有網友以前寫過關於NGO同慈善機構向artist R免費/低價稿嘅分享，
寫得十分之好，希望再多D朋友分享，等大家知道平俾佢地並唔會做左善事。
【有關NGO工作之網友分享】(Good Good Point)
好多設計公司/設計師/攝影師其中一個客源係NGO，NGO通常都會話自己係NGO想我地收平D，而好多人都會平俾佢。
但係我想講，呢個做法係大錯特錯。
NGO既資金來源有幾個途徑，一係社署批落黎，一係公益金果類機構或區議會捐/批出，一係佢地自己籌。最大果舊係社署（政府）係按佢地表現批既，係佢地每年恆常開支同年度經費，叫一筆過撥款，以前都有好多行動反對過呢個政策，在此不詳述。
在此我只針對接收緊一筆過撥款既機構。
由於呢舊錢係政府由公帑中批既，並唔係咩善款，所以性質同其他政府部門，甚至商業機構既資金其實冇分別，建築公司開大條數俾政府更加係慣常做法。咁大家都係做生意，點解要折俾NGO先？NGO買其他野都唔會有得平啦。
以為NGO做緊社會服務就諗住平俾佢地諗住當做善事？其實你只係成為左政府縮皮既幫兇。機構唔夠錢用，應該係同政府反映，要加撥款，又或者推倒一筆過撥款，而唔係問設計師減價，而且開價仲要奇低。
另外，多數中、大型NGO，好多都係由建制人士把持，即使下層社工諸多不滿都被壓下去；好多活動攞區議會錢做又需要搵區議員做監察，同時做埋嘉賓，間接幫緊好多建制議員做宣傳，呢D 活動又點值得各位犧牲自己血汗益佢地？
所以我呼籲大家，唔好俾折接受緊一筆過撥款既機構，佢地理應要自己爭取足夠既政府資助。同時呼籲社工，反對現時一筆過撥款既抗爭，係要繼續落去既，你地同政府都有責任尋找最好既發展模式。
大家有空間既，多D 幫一D只靠自己籌款既機構仲實際，仲更有意義。
----------------------------------------------------------------------------
講得好好。
抗爭，由笠盡政府、建制嘅水開始。
呼籲所有客戶資金係來自政府既Artist、Designer，甚至各行各業，
唔單止唔好平比佢，仲要開天殺價！！
Search